無綫在2000年推出處境劇《男親女愛》，深受觀眾喜愛，當年黄子華和鄭裕玲的「世紀之吻」一幕，突破50點最高收視紀錄。《男親女愛》情節不拖拉，對白精警，特別是鄭裕玲和黃子華經常妙語連珠，讓大家看得很放鬆投入，全有賴編審鮑偉聰和林少枝創作出這麼好的劇本。
同場加映：愛回家丨島大書蟲林浩文 面油羅永健 頭皮吳卓衡靠怪造型入屋 感恩有代表作：繼續追夢唔怕捱
提到鮑偉聰這位金牌編審，任職無綫期間，創作過不少經典之作，包括《公司三汶治》、《壹號皇庭》系列、《笑看風雲》、《天地豪情》、《寵物情緣》、《男親女愛》、《皆大歡喜》、《珠光寶氣》等等；而在去年8月開始做網上節目《聰心直說》，間中都會評論劇集。
Do姐鄭裕玲棄美國讀書夢做藝人 揭自學流利英文登影視一姐之路【下一頁】
對於他筆下之作《男親女愛》，鮑偉聰在節目《聰心直說》透露，是為了諷刺無綫而撰寫一場性別戰爭，他說：「我離開咗TVB咁耐，或者在位嘅人都已經退咗休，所以我都唔怕講，我製作《男親女愛》嘅源起，其實我係洩憤，如果大家有留意，直至而家，TVB係一個女權至上嘅機構，掌握權力，或者掌握部門嘅生殺大權，到而家都係女人，雖然方逸華小姐已經不在，但大家諗吓，由方逸華去到下面嘅監製，好多都係由女性坐呢個位，所以有人開玩笑話，喺TVB做嘢嘅男人唔似男人，似咩呢？咁我唔方便講啦，係古時宮庭入面常見嘅人物囉，你哋自己想像吓啦，我就唔似嗰啲人，所以我唔係撈得好掂，又升唔到職，但我身為編審就經歷過晒呢啲嘢，所以我好自肥咁，將我曾經遇見過女上司嘅一啲唔合理、變態、搬龍門、自打嘴巴呢啲細節，全部放喺鄭裕玲角色『Miss Mo』入面，其實我係一種發洩，當然我用一種喜劇手法去表達出嚟，被醜化嘅人當然唔知我喺度醜化緊佢啦，又或者笑緊佢。」
【靚聲王】79歲蕭亮移民加拿大仍以聲會友 進軍YouTube界唱歌中氣十足【下一頁】
至於黃子華角色就是當時所有男同事嘅縮影，鮑偉聰續說：「『Miss Mo』係都市女性、女強人，要配一個帶點粗鄙、下流、有高工作能力嘅小人物先至有衝擊，我係將男同事嘅素質放入去，大家可以想像喺1999年創作《男親女愛》嘅時候，我只係將TVB製作部濃縮咗落去呢套劇入面，呢套戲係自嘲，或者嘲笑人哋嘅行為，所以點解一出嚟就有人有共鳴，我相信香港工作環境，女人真係幾惡、幾巴閉。」
余樂天再度重遇Miss Mo 黃子華被Do姐鄭裕玲投訴：你大量改劇本【下一頁】
他又提到黃子華曾被指經常改動劇本，不尊重編劇，鮑偉聰為此澄清：「事實上佢係有改劇本，但佢唔係唔尊重編劇，劇本唔係一個人能夠去操縱，每個情景、每場戲、每句對白都同其他角色互動緊，黃子華勁嘅地方，係佢不改動我嘅創作原意之下，而佢作出In put係令到件事或者嗰一集更加精彩，呢種係神級表現，其實唔係有咁多演員有咁嘅能力，坦白講，100個都冇1個，大部份99個係破壞緊個劇本，因為佢哋唔明白個創作原意，黃子華就明白創作原意，甚至佢知道嗰場戲嘅重點對白嘅意思，佢改咗嘅對白係畫龍點睛，其實我係衷心多謝佢，先令到《男親女愛》變成經典。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】